മാവേലിയായി ഞാൻ വാണീടുകിലുടൻ
മാമലനാടുവിട്ടൊടും
മഞ്ഞും മരതകപ്പച്ചയും കാക്കുമാ
ചൈനയിലെങ്ങാനും വാഴും
ചിങ്ങമാകുമ്പോളസിസ്റ്റെന്റിനേവിട്ടു
ഇൻസ്റ്റന്റ് വിഷ്ഷസു നൽകും
തള്ളിക്കളയുവാനൊക്കാത്ത ഭക്തർക്കു
സ്കൈപ്പിൽ നേരിട്ടതും നൽകും
പൂവുകൾ വാങ്ങിയത്തപ്പൂവിടുന്നോരുടെ
വീട്ടിലേയ്ക്കാളേവിടില്ല
വാടിയിൽ നട്ടു നനച്ചുവളർത്തിയ
വീട്ടുകാർക്കേകും പ്രയിസ്സ്
കോടികൾ ചേർത്തതിൽ കോടി വാങ്ങുന്നൊരീ
കീടങ്ങളോടുമിണ്ടില്ല
പാടുപെട്ടുണ്ടാക്കി വാങ്ങിവെച്ചുണ്ണുന്ന
പാവത്തോടൊത്തിരുന്നുണ്ണും
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ